"""
""
"
ياخسارة ما توقعت الخســـاره
ما توقــــــع منك إنكار الجميــل

كان لك قلبي ترى قصر "وإمــارة"
وانتهيت اليـــوم شديت الرحيل

الغــدر طبعك ولك فيه المهــاره
وأنت أستاذ الغدر والمستحيــل

تاهت الأفكار في أمرك وحـــاره
أيش غير طبعك الحلــو النبيــــل

قد أنا أخطيت في بعض العبــاره
يـــو م عليتــك وخليتــك خليــل

كــان قلبي ياخذك بالإستشـاره
مستشـــاره أنت بل أنت الدليل

وأنتهينا كل وحــــد له خيـــــاره
وأنتهى عهد الوفاء وأصبح قتيـل

يا حسافـــة كيف يحرقني بنـاره
وأصبحت ناره تشب فيني شعيل

دمعتي ع الخــد وآهاتـي ( .... )
كيف هانت عشرتي عنده قليــل

كم أعطينـا من مشاعرنـا أثـاره
كم حملت الجور والحمل الثقيــل

يوم باعوونــي ورقمــي بالصداره
كنت أظـــن الحب ماعمــره يميل

وكتشفت اليـــوم ماخلف الستـاره
أتضـــح ثوبــه بعد أول غسيــل

الأمــــل غير طريقــه عن مساره
أنتــــه القاتل وانا دم القتيــــل

روح لك ياحب واركب في قطــاره
مثل حبــــي ما تلاقــي لك بديل

لو تلف الكـــون وتعرج في مــداره
غير نجمــي ما معك غيره دليـــل

كنت أظنك يا ذهب صافي عيــاره
وأكتشفت أني في الوهم الظليل

آخــــر أنفاسي من الخافي آمـاره
فارق اللي ما عــلى عهده أصيــل
:::
::
: