وعليكم السلام ورحمة الله وبركاته


في البدايه اشكرك ع هذا الطرح الحساس واللي بصراحه يلامس واقعنا الحالي بخصوص جيل هذا المستقبل..
وجهة نظري تتلخص في سبب واحد وهو الاب والام هم البنيه الاساسيه..
اول يوم اني صغير اي كلمة اقولها انا واخواني كلهم اللي اكبر مني ابوي يفهمنا ويعلمنا وامي تكمله في اي شي
اول في سن المراهقه منخلا من العادات والحركات اللي ماهي طيبه
مره وحدة سبيت سمعتني امي والله انه جاني كف خلاني الف في مكاني
الحمد انا واخواني كلنا لادخان ولا شيشه في ذاك الوقت والسبب ان الملاحظه والمتابعه من قبلهم

اما الحين ع قولتهم اباء الاستراحات و امهات الوتساب والسناب والابناء محد حولهم ابد
عندنا واحد قرايبي الزوجه جالسه ع سناب وانستغرام والولد الصغير جالس يعثي في المطبخ ولين سمعت تكسير الصحون راحت تركض وتشوفه عافس المطبخ والحمد الله انه ماجاه شي لكن لو سمح الله غاز ولا كهرباء كانت النتيجة وخيمه...

تصدقون حنى المنحرفين يتوب بسبب ناس انصحوه وامه واوبوه مايدرون !!

هذا يدلل ع كلامي ان الاب والام لازم يفهمون ان الابناء امانه ونعمه من الله سبحانه وانه راح يحاسبنا علي تغافلنا عنهم او عدم توجيههم..


اشكرك ي الغلا ع جمال هذا الطرح
والرد هو عبارة عن وجهة نظري الخاصه فيني انا فقط