حبك بقلبي تصور قد إيش
قد كبر الكون لا أكبر غلاش

جبت لش قلبي على راحة يديش
وأعرفي منه الإجابه عن هواش

دون حبش ماأظن اني أعيش
ماأبي روحي وانا عايش بلاش

إنتي الي ساكنه فيني وابيش
جعل هالدنيا بمافيها فداش

بعت هالعالم علشان أشتريش
واعذري قلبي إذا قصر معاش

منكر اني عشت هالدنيا بطيش
وماعطاني الوقت شينّ وبلاش

كنت ثاير دون حتى أقول ليش
وأقلب الدنيا على أشياء ماش

كنت أحب وكانوا أحبابي كجيش
وفي المعارك مابقى حبآ وعاش

ماهنت نفسي بهذاك المعيش
لين شفتك صابني طلقة كلاش

إنفتن قلبي من الي شاف فيش
من مشاعر صادقه فيها حلاش

الجميل الي ترا لايق عليش
ان لش قلبن حنونن إبتلاش

قبل مانهي ماكتبته لش أبيش
تفهمين الي كتبته في سماش

حبك بقلبي تصور قد إيش
قد كبر الكون لا أكبر غلاش