فمان الله ودعتك يا جرح السنين
الشوق واللهفة فإنتظار المقبلين

دام الحبايب عن بعضهم ينشدون
خلك بمركب البعد وعني لا تسألين

إنتي اللي اخترتي دروب الفراق
و عساك على فرقاي بتقدرين

ما هزتني الفرقا لا ولا الذكريات
بعد ما تشربي كاسه بتندمين

بتناديني و أنا ما أسمع نداك
بترجعين و يا ليتك ما ترجعين

صفحتي وياك خلاص انطوت
وأبوي وصاني ما أتبع الراحلين

شامة الفرقا على وجهك تلوح
وإنتي بحياتي ما عدتي تفرقين

أسهمك من اليوم طايح سوقها
وأنا ما تعودت أشري الطايحين

دامك بعتني بأرخص الأثمان
أنا بترك قربك من .. الحين

لا تغمضين وتمنعي سيل الدموع
مو هذي الفرقا مو هذا اللي تبين

لكن قبل تروحي ظل عندي كلام
أنتي خسرتي شخص جداً ثمين