يا صاحبي ياللي تعوم ....... بهواها
ما لك ومال العوم وما لك ... بلاماه
الشايب اللي مثلك ينسى .... غلاها
ويركن الى ركن شديد هو ...... الله
ويعلن عن التوبة تراها ........ تراها
فيها رضى ربك ونفسك ..... ترضاه
خل الهوى للي يعوم ........ برضاها
يلعب لها الخطوة وتفرح ..... بلقياه
اما تجيه بديرته والا ........... جاها
تزهى شبابه مثلي واخوك ... يزهاه
ماني من اللي راح عمره ...... وراها
لارتاح من همه ولا صاد ...... حلياه
سلم لي الراية واطير ....... بسماها
واخذ ديونك يالسمي من ... شفاياه
ابو عيون تذبح اللي ............ يراها
ومبيسم يزهى الثغر مع ....... ثناياه
يا صاحبي قطعت قلبي ........ بلاها
ما اقدر اشوفك وانت تشكي من الآه
الحب يبغى له شباب ........... يتباها
ما يشتكي عمره مقفي ......... وينعاه
ولا غشيم ن في عماه ......... وعماها
يلعن ابو عشقن هفى دون ..... مرماه
ويلعن جدود اللي تصدك ....... واباها
ويلعن صديق ما وفى مع هل .. الجاه
ابشر بعزك وانا والله ............. وراها
الا تجي لك يا بو ضاوي ....... مسماه
حتى تجيب اللي براسك ....... معاها
وانا كفيل بكل شي .............. ترجاه