آخر كلامك قلت لي منت مجبور
وش رجعك بالله بعدك تبيني ؟!.


.
وصلتها للـ / الفراق ومنت معذور
أبيع بايع واشتري مشتريني
.
.
ومادام قلبك خالي احساس وشعور
ماني بحاجة قلب ماحس فيني
.
.
ماني على خبرك تمثل لي الدور
ولاني على ڪيفَكَ تروح وتجيني
.
.
واذا الزمن له جور والحب له جور






جورك على جور الزمن مبتليني
.
.
ضايقتني حتى وأنا دمي يفور
وكذبت في شي حصل شوف عيني
.
.
كذاب,, أناني,, ميت احساس,, مغرور
قاسي,, عنيد,, وياخسارة حنيني
.
.
وشلون أمد الكف والكف مبتور ؟!
من قلبك اللي مايقدر يميني
.
.
وقـتن مضالك مالفى مني قصور
ماباقي الا أشيلك برَإحَتيني
.
.
وكتبت فيك حروف وأبيات وسطور
ليتك تحس وليت قلبك يبيني
.
.
زرعت فيك الكبر وأصبحت محقور
وأعميت عيني من رفالة يديني
.
.
رفعت من قدرك وواجهت بغرور
وأول وفاك تروح ماتحتريني



.
واليوم ترجع لي عقب غيبة شهور
ودك تعيد الحب؟! لا ياضنيني




.
ماعاد باقي غير أوادعك مجبور
رَإحَت عليگُ وياخسارة سنيني
.
.
العام قَلبَےّ يوم ألاقيك مسرور
واليوم عقب الود لاترتجيني
.
.
واذا ذكرت العشره بقلب مقهور
تذكر اللي صار بينك وبيني
.
.



وابعد بعيد وعن فعايلك مشكور
الربح نفسي والخساره لعيني
.
.
آخر كلامك قلت لي منت مجبور
وإلحُــيُنْ أظنك منت مجبور فيني