05-01-12, 09:06 PM
|
#1 |
| ~ إداريه قديره سابقاً ~ | 
ياقمر وينه الي كنت اشبهك فيه
ياقمر وينه.. اللي كنت أشبهك فيه؟
ليه ماعاد أشوفه..؟ مشرقٍ في سماي
يدري أني أحبه موت وأشتاق إليه!
بس مدري علامه ممعن في جفاي?
زاد شوقي لـ(زهرة وورده وسواقيه)!
والله أنه وحشني موت غاية مناي
مدري وش به قطع وصلي وأنا ارتجيه
هو ملل منه والا هان عنده غلاي ?
كيف يقسى وأنا اللي بالوفاء محتويه
كيف ينسى وأنا اللي مرخص له رضاي
كيف يسلى وحبه نهر كنت أرتويه
كيف يرضى عليّ أموت حسره بضماي
ياقمر وأنت تشهد كيف كنت أحتريه
من طلوعك بلهفة لين يزهر فضاي
لو لمحته أمانه قله أني أبيه
بس يكفى دخيله لا يزيد بجفاي |
|
|
|