منتديات مسك الغلا | al2la.com - عرض مشاركة واحدة

**سعــــود** · 07-20-17, 01:29 PM

_

اسعد الله مسائكم بكل خيـر

قبل فترة بالتويتر شخص متابعه اعرفه معرفه شخصية وصديق وليس مقرب واعرف بيتهم واخوانه
الرجل قبل سبع سنوات راح أبتعاث اظن ل امريكا ودرس راحت الايام وابطي ننشد عنه الرجال لازال هناك
ويدرس وندعي له بالتوفيق ،، راح الرجال هناك وابطي واتخرج وانجليزي بلبل ماشاءالله

واجهته قبل العام كلمني وقابلته وعزمته وعيا قال منشغل مدري ايش هالدراسة

هذاماهو موضوعي ،،،

اخر الايام لقيته يتناقش مع شخص بالتويتر ونقاش حاد ومحتدم على قولتهم
الا يرد عليه انتم متخلفين رجعين لا تفقه شي غذي عقلك وفكرك اقراء لكتاب الفلان الفلاني للمفكر واحد اجنبي
عششت في عقولكم العادات والتقاليد البالية ومدري ايش وعايشين على العصور القديمة
هالمجتمع منغلق ولا يعرف الحريات مدري ايش ، وهل تعرف معنى الحرية حرر فكرك وعقلك
وكل كلامه في هالمحتوى
وفي تغريدات اخرى ايام متفرقة يتكلم بحقوق معينه متابع له وساكت

انا بصراحة اندهشت وطار عقلي
قلت معقوله هذا فلان ولد فلان يلي كان يسرح مع ابوه عند الابل ؟!
وهالانقلاب يلي صار فيه ؟؟!!
يعني مثلا يروح الواحد ابتعاث يحفظ له كلمتين يجي ينقلب ناسه ومجتمعه وتتغير مفاهيمه ؟!!
انا سكت ماكلمته ولا فتحت له موضوع معين لانه جار قديم ومعرفه فقط

اذا الابتعاث بيكون كذا لا ابوه من ابتعاث
يلي يغير عقل الانسان ويغيره على الناس وعلى ربعه
كم من واحد راح ورجع ووهو هو ماتغير

لسنا ضد هالابتعاث والتعليم الخ ولسنا ضد حقوق ناس معينه
لكن يلي ابي اوصله يروح الواحد هناك صفر
يرجعون معبين معلومات مدري وش اسميها
الموضوع متشعب
وادري مارح يعجب البعض لكن هذا يلي حصل وصار