على مسرح هوى قلبي أصوّر رحلتك مجبور
أبكتب نصّها بدمي وارثي القلـب وانعيهـم
هوانا كان مسرحنا معازيم ونعش وحضـور
تعال وصافح بيمناك وفيك النـاس عزّيهـم
واِنثر كل ماعندك من دموعك بليـا قصـور
واِجمع كل ماتملك من الإحسـاس.. بيديهـم
واِحمل كل رموز الحب ونعشٍ للهوى مكسور
ولاتنكر حكي العذال ودربٍ جـاب طاريهـم
ولاتنسى سنا طيفـك والأحـلام والديجـور
خذها بعيد عن قلبي بعيد بعييييد.. وارميهـم
ولاتذكر غرامٍ فات يهيجنـا بـدون شعـور
واِدفن فوق هذا شوق قلـبٍ جـاك يبكيهـم
وانسى من جزا صدك ظلم الظالم المقهـور
وإرصد كـل حسـادك وكبّلهـم باساميهـم
ولاتندم ولاتحلـم ولاتزعـل مـن المذكـور
أنا اذكر كل قصتنـا ليالـي كيـف انسيهـم
على جمر الوله عشنا مشاعرنـا كماالتنـور
أشوف العمر في قربك وابيع الناس واشريهم
مدى حدي وقف ضدي وغلاك بداخلي مقبور
تسهّل ياهوى قلبـي لعـاد تعـود ترجيهـم
وإذا عوّدت.. ماعادت حياةٍ في بلد مهجـور
هجرت أول حمايم حب وش لك في تواليهم!!
مما راق لي ,,