بسم الرحمن يبدأ كلامي
وبكتب على بيض الورق كل مخفيت
عن أذنكم بشرح حكايات غرامي
والعذر منكم كان بالهرج زليت
ياناس أنا والله مدري علامي
حبيت مدري ليه يا ناس حبيت
لو ادري ان الحب هم وهيامي
ما كنت حبيت ولا تعنيت
علقني بحبه وزاد اهتمامي
ودارت بي الدنيا وقفا وقفيت
واليوم عقب الهجر عفت المنامي
ما غير افكر فيه لصبحت وأمسيت
وان قلت أينه قلت هذا حرامي
لا يمكن انسى عشرته لو تناسيت
يا أهل الهوى ما في المحبة ملامي
من ذاقها قلبه يشتعل على زيت