-
اسمحي لي انظم الحرف الهزيل
واجمع ابياتي عسى يوصل مداها
رغم ان الشعر في وصفك بخيل
ما يوفّي حتى ب اطباعك رداها !
فيكِ عشق اللاوعي والمستحيل
وفيكِ لذّات الحياة .. و منتهاها
وفيكِ نِدره كنّها نجمة سهيل !
لٓـ ظهرت ما كنّ به الا ضياها
توّي ادري ان للقمره خليل
خلّ فاق القمره حتى في سماها
بالحسن هيّ مالها أيّة مثيل
ملعثمه شعري مغربلته ب فضاها
الفتون الناعس الطرف الكحيل
اغنجيّه ذوبتني في هواها
كلّ ما مالت من الفتنه اميل
لعن ابو زين'ن' معنيني معاها
الشعر أسود ، مدللته ، طويل
والكحل ذايب ب رمشينٍ كساها
واحمر الخدين ، والعنق النحيل
جنةٍ في دنيتي ربي ، براها
والخصر هاللي مع الممشى يميل
اول اسبابي لأن امشي وراها
من رأتها عيني وحظي جميل
منثني ما بين اعلاها ، ودناها
مثلها بالناس انا عارف ، قليل
لجل ذلك ما ابي الا رضاها
يعني لا منّه كساها الحزن ليل
تحزن عيوني بلا سبّه لغلاها
#محمد_الغريبي