السلام عليكم ورحمة الله
واسعد الله جميع اوقاتكم
...

ي ساده ي كرام


حصل لي موقف بسيط وودي اعرف ارائكم حولها..ً
....
بكل صدق هذا الموضوع يتفرع منه أمور
وتعتبر ظاهره سيئه إن تم السكوت عنها.




.....


الموقف شخصي ربما البعض يقول لايستحق
النقاش ولكن مثل ماذكرت هي ظاهره
وفساد وغش.


راح احكيكم عن الموقف وباللهجه العاميه إن خانتني الفصحى.


كنت بيوم من الايام الماضيه في السوق تسوقت وخلصت ومامدي الوقت
اروح ع السوبر ماركت لانه كان ينقصنا أغراض غذائية وكان فيه محل
لاباس فيه يبيع جزء منه منتجات غذائية. وجزء منه أدوات تجميل
وجزء منه أدوات مطبخ.ولضيق الوقت دخلت هذا المحل
أخذت اغراضي منه ً والا كل اغراضنا من السوبر ماركت.

وكان من ظمن الأغراض اللي شريتها
منتج الشبس طرزان اشتريت 2
كيس كامل من نوعين مختلفين
اللي هو نسميه تسالي طبعا لاخواني لايروح بالكم لي ههههع
انا اخذته سريع وماداني اطالع في المنتج.
أعطيت اخواني من حبه والكل اكل منه
لكن واحد منهم قالي طعمه مختلف
انا استغربت وع طول شفته بالفعل
مايقرمش مثل اللي نشتريه
رحت شفت التاريخ لقيته منتهي الصلاحية
له اسبوعين وأكثر.


الآن وبعد هذا الموقف
الواحد ايش ممكن يعمل
هل يشتكي عليهم؟ ولا يسكت ويلقيه بالنفايات؟ ولا يراجعهم؟
...

انا وخالقي ماهمني سعره واحد او اثنين أو حتى ثلاثه
اللي يهم بالموضوع يعني لو ماشفنا التاريخ يستمر الغش التجاري هذا.!

غير كذا فيه ناس ممكن تاكل منه...
وكمان يبيعوه للأطفال بالحبه
وممكن يسممو أطفال الناس عشان مبلغ بسيط ..

بصراحه شي مؤلم!

والمصيبه الكبرى انه فيه عمال في المحل كثير والقسم بسيط
مو مثل السوبر ماركت بكبره،
..

انا بمصداقية قلت حلال فيهم الشكوى .
لكن انا شلت الكيس كله ورميته بالنفايات.
ولاعاد شكيت ولاشي
...


انتهى الموضوع
لكن باقي هذا الموقف عالق بنفسي
يعني يسممو الناس ع حساب جشعهم
وطمعهم؟



ابغا موقفكم في مثل ها لأمور
ولو كنتم مكاني ايش راح تسوون؟..


ودمتم سالمين
منعمين بالصحه والعافيه.

....