الفاضل / السنافي
وعليكم السلام ورحمة الله وبركاته
واسعد الله ايامك بما يحبه الله ويرضاه

دوماً المواقف البسيطة اجابتها متفرعه
اذاً نشوف وش بيطلع معانا

لاعليك كل المواضيع قابله للنقاش
يعني المكان فيه اغراض متنوعه حلو
انا لي اسبوعين ادور طرزان حظي مالقيت المهم

المكان متنوع وفيه اغراض كثير وبالتأكيد ردي بيكون متفرع ع حسب

النقطة الاولى
هل من الطبيعي لو اني صاحبة هذا المحل بسيب فيه اكل منتهي الصلاحية
بالتأكيد لا
لاني بعرض مكاني لشبهه من قبل المشتريين ومحد بيشتري معي
وانا مافتحته الا ابي اترزق الله
ولكن انا معرضه لحالتين :
الاوله / بما ان المحتوى كبير وماعندي قدره بشكل يومي اعين لجميع الاغراض واراقب تاريخها
علماً بان انتهاء صلاحية كل منتج يختلف عن الاخر لجل اقول انه بكره ابحث وادون
او اخصص اسبوع مثلاً وادون اللي قرب ينتهي والتشييك ع الاغراض ياخذ وقت فهذا طبيعي يظهر لي
منتجات منتهية الصلاحية انا غافله عنها
الثانية / اهمال علني وهدفي هو اني اكسب ببيع تلك الاغراض المنتهيه وهذا احتمال ضعيف جداً

وكيف تتأكد من فهم نية البائع هو انك لمن تخبره بان هذا الشيء منتهي راح يرتبك
ويعتذر ويسرع ويرميه
او ممكن تبين عليه ملامح جمود لانه اصلا عارف


النقطة الثانية

هذا عيب فينا كلنا المفروض احنى الكبار ولا اعنيك هنا ورب السماء فاولهم انا
مانشوف التاريخ قبل نشتري مع العلم اننا ع يقين بان يسقط منتج ويغفل عنه صاحب المحل لكثر الاغراض
فمن المفروض نتعلم نعين للتواريخ
سبق اكلت بطاطسات منتهيه والحمد لله ماشيه الحياه تعلمت واصبحت اقراء حتى المكونات المصنوع منها
ترا في حلويات جلي المطاطية لو تعرفها تجي ع شكل ديدان وفواكه طعمه حلو ولذيذ
مدون عليها تنبيه لاتصلح لاقل من ثلاث سنوات وبعضها لخمس سنوات
وماشاء الله ع شعبنا اللي يحبي من عيالهم يعطونهم منه

فاكتشافي لهذه المعلومه بعد قرائتي للمدون ع اي شيء منها
وهذا ماجا الا بعد ما اكلت حتى طفحت من قلاعب الارض

يعني اللي ابي اوضحه المفروض اذا جينا نشتري نعين للتواريخ ذاتياً ونعلم اطفالنا برضو
احتياط ولجل نتجنب الشيء الغير محتمل
مو نعتمد ع البائع لانه للاسف عنده اشغال اكثر
فلازم نتابع نفوسنا

بخصوص الاطفال من المفترض مايروحون بقايل انقد هذا الشيء للامانه خصوصاً اذا كانو بمفردهم


عن نفسي انا ضد الشكاوي مو لجل شيء ابد
يعني ممكن اشتكي في حاله واحده اذا رحت خبرتو وتهاوشنا ما استمع وتفهم وقتها بقول من جد هو متعمد
بحركته وراح اشتكي عليه
وافضل اني اعطيه خبر بان المنتج منتهي واني المره القادمه بقدم شكوى


بالتأكيد ليس كل شكوى هدفنا السعر
ولكن يفضل ابلاغ صاحب المحل وعين من الله خير ممكن يكون مانتبه له
لاني ما اتوقع يكون عمل متعمد وغش تجاري بحت
لان مكسبه فقط خمسه ريال ماتستحق الغش

زي لمن يكون محل مكياج وروج ب 200 ريال لو اني بالمحل ابيعه هههههههههه اجل ارمي 200
امزح والله اكيد ارميه لو دريت الشكوى لله

لكل من يشاهد ردي اساسيات تعتمد علينا
1- لابد من قراءة التواريخ بمفردنا في كل شيء نشتريه
2- لازم نعلم النقطه هذه اطفالنا فيتعودو يعتمدو ع حالهم مو مصداقية البائع
فالهدف من تعلمنا هو نحمي انفسنا مو نبحث عن حماية


ختاماً موضوع هادف
عن نفسي والله بعد ماقريت التواريخ والمواد استغنيت عن اشياء كثير كنت اكلها
لو استمر اكلها كان عندي توحد وجنون البقر
مع ان كل شيء مكتوب عليه تنبيه لكن للاسف كنت ما اعرف النقطه ذي

ويحق لك الشكوى بالطبع بما ان في جهات مختصه ولكن قبلها ابلغ صاحب المحل ان يكن غشه تجاري عليني وبحت
مع اني متوقعه انه لم ينتبه ايضاً

تقبل ردي وعبق وردي مع خالص احترامي لسموك
آسيرة حرف