السلام عليكم
اول شيء ماني عارفه كيف اعبر والله .. هذا صعب علي لانه مااذكر حد سمع لي او اعطاني من وقته وبحكم اني مش قريبه من أي حد ابدا ..
راح افتح قلبي هنا بحكم مآحد بيعرفني او يتطفل علي
انا اعاني من فراغ متسع بشكل ماتتصورونه مهما اعمل واشغل حالي يبقى حالي مثل ماهوو
حاسه ب هالاحساس َ .. ماعندي أي صدقات او زيارات
او حتى تواصل مع المحيط الي حوولي كثير من وكتي لحالي صحيح ارتاح نفسيا
ولله الحمد ولا انكر هالشئ .. تعودت من وانا صغيرة حتى بالمدرسه نفس الحال
كنت انجح ولا احس بطعم النجاح .. عادي شعوري
ودي حد اسولف معه نآخذ ب أفكار بعض .. حد يحبني واحبه يغطي هالفراغ لانه هالشئ فطري لكل البشر .. ولكن اعرف مش كل الطرق صحيحه اتجهه لها وأقول هذا بيعوضني عن النقص
ماابي اكلم فلان وفلان وأقول هذا النقص لاني أكون غبيه ورخيصه عندة لانه النهايه اعرفها عدل
ولأنه الشباب تدور مصلحتها وترمي البنت كل هذا عارفته عدل , ولا ابي هالشئ لنفسي
تعبت والله .. حياتي عبارة عن روتين الي قبل نفس الي بعد
أحاول اقراء أحاول اكتب ولكن يبقى شعوري نفس الشئ
حتى والله مااعندي أي شعور ل أي حد ماادري منو احب او منوو اكرة
تبلدت بكل اختصار .... بكل مافيني
اعرف كلامي ملخبط ولكن مااني عارفه كيف اخرج الي فيني بطريقه
من كثر ماكتمت هالحظه عيوني فضحتني بكل سهوله في وقت الكتابه
كتله متجمعه من الكلم عندي خانقتني