منتديات مسك الغلا | al2la.com - عرض مشاركة واحدة

**مشكلتي** · 01-21-18, 12:51 AM

السلام عليكم ورحمة الله
العنوان واضح * فضفضة * لو احصل اراء منكم او شي يساعدني يتفضل يقول
انا بنت عمري 21 سنة ، طالبة جامعية
باول عمري ، مثلي مثل اي بنت تحب تهتم بنفسها ويكون مظهرها جميل
تحب تكون زي كل البنات اللي بعمرها ، قدر الله عليها ظروف جبرتها تشتغل عشان تعف نفسها من سؤال الناس ، ك مندوبة ع **** التواصل الاجتماعي
بسبب تقصير الوالد من هالناحية ..
ابوي متزوج وحده ع امي ، مقصر كثير في حقوق عياله
اكره نفسي لما اطلب منه شي ، اتمنى الارض تنشق وتبلعني بس مااطلب
شبهت نفسي واهلي مثل اللي فقراء وع قد حالهم ويجي واحد نهاية كل شهر يتصدق عليهم
ويعبي ثلاجتهم
غيرهه لا ،
مااحس باحساس الابوهه اللي اسمعه
كملت 21 سنة مااخذت اللي يكفيني منه ، او حتى قد اعطاني بطيب نفس
من عرفت نفسي وهو يقول انا مديون انتم ماتقدرون حالتي
صبرنا كثير لدرجة نكمل سنة مااطلب منه ريال
واذا طلبنا او حتى عاتبنا يقول وش ناقصكم اكل وشرب وموجود وش تبغون زيادة
ماابالغ لما اقول الوحده فينا تتعب وتقوم مايسأل فيها ولا يدري عنها
افتكر مره من شدتتتتتهه في تعامله معانا ، ماقلت له اني بروح عند بنت عمي لاني خايفه يرفض اني اروح لهم
رحت وجلست 4 ايام وراجعه البيت بالخفا عشان لايحس وبالنهاية عرفت ان ماعندهه خبر ولا يدري عني وين
كملت 21 سنة ماعندي غرفة نوم انام فيها ، بسبب انه ماعندهه ومديون
بيتنا مو اجار
مصارفيهه علينا مو كثير ، عيد الفطر فقط اللي يعطينا وماتتعدى الف ريال
جات فترة لما درست بالثانوي داومت سنتين بمريول واحد وشنطة وحدهه وجزمه وحده الله يكرمكم
تعرفون لما اللبس يكون لونه فاتح وينغسل شبه يومي كيف يطلع ؟
سمنت وضاق المريول علي فصلني تفصيل ، انقطع من جهات كثيرهه وخيطته
لونه صار باهت ، ولونه رايح ، حتى افتكر البنات انتقدو ذا الشي بس اخذتها بروح رياضيه انو خلاص باقي لي سنة واتخرج ليه اغير ، وانا بخاطري اغير واكون مثلهم بس !!!!!!!!!
عطوري كنت اخذها من اخواني بسبب انو ماعندي اصلا
لما نروح لبنات عمي او اخوالي استحي من نفسي كثير
يخططون ع طلعه او شي ويالله نطلع ، ارفض انا واحرم نفسي واجلس بالبيت
مو حلو لما تطلعين وهم يصرفون عليك اكل وشرب او حتى لما يتسوقون يشترولك معاهم عشان انتي ماعندك !!!!!!!
شحن جوال مااطلب منه ، كنت اجمع مصروفي عشان اشحن
مع العلم ان جوالي الاول شريته بالقطية بعد 😓
انقهر كثير لما اسمع واشوف ان زوجته الثانية واهلها يمدحون ويثنون عليه بسبب كرمه واحنا مانشوفهه ، بيتها يفرق عن بيتنا كثير ، من اثاث الى اخرهه
بيتنا ماابالغ لو قلت شقة عزاب ، مالنا مكان محدد ننام فيه ،
وعكس اخواني اللي اصغر مني من زوجته الثانية غرفهم كامله مكمله ولسى مادخلو اولى ابتدائي
طيب ليه حالنا كذا ؟
ليه تعامله كذا ؟
كرهت اشوفه ؟!
او حتى اكلمه !!
انا بالجامعه وتنزل لي مكافاهه بس بسبب تاخري في عمل البطاقة ودفع لي من بداية شهر 11 الى شهر 1
ولما عرف ان المكافاه تنزل لي الشهر الجاي قال انتي ادفعي للسواق
طيب ادفع 600 كم يبقى لي ؟
مع العلم اني مااخذ منه مصروف اكلي بالجامعه
احيان اداوم مامعي الا ريال للمويهه بس
اكره اطلب منه مصروف لاني احسهه يتمنن علي فيه
اشتغلت مندوبة سنتين ولا عنده خبر بهالشي عشان لو عرف ان عندي لو ان شاء الله 100 قال دبري فيها نفسك
سولت لي نفسي اني اصير مثل البنات اللي يخرفنون بس ماعرفت وماقدرت بنفس الوقت لاني مو مودي هالاشياء
بس من ربي تعرفت ع واحد وخرب جوالي وقتها وانا كان نفسي بجوال ولا تكلمت ولا قلت
هو جاني وقال والله مايجيب لك الجوال غيري
بتقولو سويتي شي غلط
اي سويت شي غلط بس مضطرهه
بس يعني شي احسن من لاشي
وكل ذا تم عن طريق البي بي ،
دخل علينا الشتاء وهذا سادس او سابع شتاء مااشتري ملابس برد
شي سسسسسيء للغاية

خلاصة الموضوع
حبيت افضفض بس لاني صعب اقول هالشي لاقرب القريبين مني ويعرفوني شخصيا
ابوي حالته المادية جدددددددددا كويسه للمعلوميه
بيت مو اجار وياليته كان ملك
يشتغل بشغلتين وراتبه عالي
كل انسان له جوانب زينه وشينه وهو فيه الجانب الشين اعلى
بتقولو ابوكي تتكلمي عنه كذا !!!
اقول ايه لاني مو طايقه نفسي لان الحاله المادية مو شينة اصلا عندهه
ف ايش المانع !!!!!!
اتمنى احس باحساس الابوهه معاهه مو بس اللي يتصدق ع عياله نهاية كل شهر باكل وشرب والحمدلله اولا واخيرا عليها ماانكر هالنعمهه بالعكس
لكن احتياجاتنا مو بس اكل شرب وخلاص
حابه يكون في تعامل زين ، مشاعر اب وبنته
احتياج يكفيهه ، طيبه خاطر
بالنهاية انا بنت احتاجواحتاج واحتاج واحتاج كل ماكبرت
هءي مو حالتي انا بس ، غيري كثير
تعبت جددددددددا جددددددددا جددددددددا
اللي حكيتكم اياهه ولا شي
في اشياء اكثر واكبر من كذا
فضفضت ، فقط
اذا في حل تشوفوهه واستنتجتوهه من كلامي قولو
يمكن يفيد
لانو اتمنى يتحسن الحال بس مو يتصلح كامل
وكل واحد فينا يتمنى يكون في افضل حال دام ربي منعم عليه
رجاء لاتجيبو مقارناتكم بين حالتنا وحالة غيري ، لانو بالنهاية ربي قسم ارزاق عبادهه والحمدلله رزقهه مامنعه على ابوي
وسلامتكم