• • • اليا عطاك الله رب العالمين
منصب قوي محسوب توقيع قلمه !
المساله ي صاحبي دنيا ودين
لاتضيع في غب البحور المظلمة !
تخدم بني عمّك وتنسى المسلمين
يعني لاجاك الاجنبي ماتخدمه !
ترى السعادة خدمتك للآخرين
الي رحم (خلق الله ) الله يرحمه !
وان جاك شخص بعلم ماهو باليدين
استقبله بالطيّبه ثم فهّـمه ! لابد مايعذرك بالعذر السمين ويروح راضي عنك مايفتح فمه !
طبع الزمن دوّار والخافي يبين
ومن لايحشّم وقفتك لاتحشّمه !
خلّك سواة شعيل والقاسي يلين
لامن هدر قام يتدلّى برطمه !
وادحم جنوب القوم بالجنب المتين
واهزم خصيمك كان تقدر تهزمه !
اخذت حكمة من كلام الاوّلين
من لايغبّر شاربه مادسّمه*
دربكم خضر