الله يصبحكم بالخير

في منتدى ثاني ما هو منتدانا هذا طبعا ولله الحمد لي وضعي ولي احترامي
المهم صادف مره وارسل لي واحد بالخاص وصار الحوار الاتي انا وياه


بعد السلام والاستاذان يكلمني

قال يخاي تبي تكبر انت اكبر من هالكبر ؟

قلت ليه عسى ما شر عسى ما غلطت عليك او جاك مني شي ؟

قال لا ما اتكلم عن نفسي اتكلم عن اسلوبك وطريقتك .

وش فيها طريقتي ؟واسلوبي ؟

قال يا خي كل كلامك غزل وتغزل وكانك مراهق ؟

قلت اولا هذا اسلوبي وهذا اللي احبه وهذا يعبر عني ويمثلني انا
ما دام انا ما غلطت عليك ولا على احد ولا تعديت على خصوصية احد
فانا حر باسلوبي واتحمل مسئولية كلمتي
ثانيا كلام الغزل على قولتك والرومانسيه والعاطفه ما هي محصوره بعمر معين
وبالعكس بعمري انا اصدق واعلم بهلاشياء من المراهقين اللي يرددون كلام وحتى ما يعرفون معناه ولا يفهمونه
ثالثا ترا الانسان شباب بقلبه وروحه ما هو بسنينه ولا هو صحيح اذا بلغ الانسان عمر معين لازم يسوي نفسه نفسيه وثقيل على الطل ويشد عمره على الماش .

قال براحتك انا حبيت انصحك

قلت جزاك الله خير لتقفيل الموضوع





انتم ما رايكم بالموضوع اجمالا
وسالفة العمر والكلام والغزل بالحوار عموما

دمتم بود