لحظة يا أم 27 ربيعا ،،
ليش بعض البنات يربطون قيمتهم بالزوج ؟؟؟
والله ما استغرب من البيئة اللي تعزز حولچ ،،
مشكلتي أني نحيفة وأنه واحد كان خاطبني وفل الخطبة ،،
أقولج
مع السلااامة للي راح ما يستاهلچ الظاهر أنتي وايد طيبة ،،
وهو مو مثلچ أليس الطيبون للطيبات ،،
وبعدين اللي تكلم اللي جنبچ وتبي تسمعچ ذي ذي ذي تهمچ نمامة مغتابه تهمچ!!!
وبعدين
(( أبي أسمن عشان أتزوچ ))
ليش ما تكون الجملة
عشان نفسي،،
لأني أنا أحب أكون مب الرجل اللي بياخذني ،،
الزواج معم سنة الحياة لكن إذا ربي ما كتب خلاص بموت باكتئب بحصر تفكيري
في جاني ما جاني ،،
لا واللي رفع سبع سموات لأني أعرف جميلات بل ملكات جمال ما جاهم النصيب
وما فيهم ولا ولا عيب ،،
عادي النصيب ما انكتب لهم ،،
ولحظة
الرجل اللي بتختارينه لو جاچ لا ترضين بأي كان مثل ما هو يحط معايير
أنتي أيضا لچ الحق ،،
وجملة الرجال ما يعيبه شي ،،
لا والله يعيبه ونص ،، أخلاقه تعيبه ،،
و و و ،،
من حق أي فتاة تحط معايير معقولة ،،
حقها ولا تسمحين لأي كان يقلل من تلك الأحقية ،، لأني اختار
شريك لباقي حياتي ،، لا تختارين حد ينغص باقي عمرچ لمجرد أنا متزوجة ،،
لاااا تشرطي وإذا بتنحفين بتمتنين أو أي شيء قبل ما أرضي فلان وعلان
أرضي نفسي قولي أنا الأهم محل إعرابي مهم وليس مهمش ،،
بإختصار جاء الرجل المناسب وحطي تحت المناسب مليون خط أهلا وسهلا بحياتي الجديدة ،،
ما جاء مع السلامة عمره الكون ما كان زوج وبس ،،
ولعلمچ فيه بنات بنفسهم يرفضون الزواج يعني مضربات والله ،،
طبعا أنا لا أؤيد ذلك لكن اخبرچ أيضا إن أساس الحياة مقومات كثيرة ،،
والله لو عاجبتچ نحافتج خلچ عليها وعلى فكرة قولي أنااا رشيقة شفتي
تغير اللفظ للإيجاب غير أنا نحيفة ،،
خبري ديانا كانت أم الجمال برشاقتها ،،
والرعبوب تقول من العز أنا رعبوب ،،
ليش نتقي الألفاظ اللي تحبط !!!
وبعدين ترى 27 مو كبيرة يا عشرينية ،،
تقبلي خالص احترامي لچ ايتها الحسناء الرشيقة
ذات القوام الممشوق ،،
مررت من هنا
الجادل ،،،