انا اعاني الوسوسة من عشر سنوات
ومن اربع سنوات تقريبا زادت حالتي سوء للوسواس القهري
اهلي كانو عارفين انو انا عندي الوسوسة بالطهارة والصلاة زي كذا ومحد كان مهتم كثير ومحد وداني للدكتور بالبداية
لما عانيت من الوسواس القهري وصارو يتضايقو من هذا قالو خلنا نوديك عند الدكتور
وودوني للدكتور النفسي وصار معه اربع جلسات تقريبا وهو حاول معي انو انا اقتنع بكلامه وزي كذا
المشكله انو انا مقتنعه بكلامه انو قاعدة اسوي اشياء كلها وهمية وانو وانو
بس السؤال ليش اكرر الشغلات اللي اسويها مو لاني ارتااح وبس والله العظيم مو اكثر
انا عارفة كل شي لا عندي نقص في عقلي ولا نقص في اي شي ثاني الحمد لله وكمان عارفة اللي قاعدة اسويه ما له نهاية ابد بس قولولي ايش اسوي اذا ما اكرر الشغلات اللي مثلا
انا مسجلة في احد المنتديات لما ارد في اي موضوع ابغى اقرا حرف حرف والا يجيني شعور ما اقدر اوصف لكم اتضااايق كثييير وما ارتااح الا لما اسوي اللي ابغاه للراحة بس
المهم الدكتور ما صدقني وبالنهاية قال هذا دلع ومدري ايش
واهلي صدقو الدكتور قالو ان ما فيك شي وانتي اللي جايبة لنفسك كل هذا
وانا ما قلت لهم الا المشكلة زادت عن حدي انا عارفة ي جماعة فيني وسواس قهري وبنفس الوقت ما اعرف اعبر قسم بالله ما اعرف كيف اقووول استحي من اهلي هم عارفين انو فيني وسوسة عادية مو فاهمين الوسواس القهري لازم اطلع جنوني قدامهم عشان يفهمون
انا عارفة اصير مجنونة في كل شي ابغى اركز فيه بس ماني مجنونة ارجع اقول لكم للراحة بس
حتى بعض الاحيان اقول كلمة واقعد افكر انو ايش اللي نطقت لا يكون شي مو طيب او انو ما جرحت احد بكلامي كل شي افكر فيه بالهدوء
حتى المسلسلات اللي نشوفه ابغى اتابع ثواني والا اتضاايق كثير اذا يفوتني شي
عشان كذا انا تركت المسلسلات من اصله في كل شي صاير كذا معايا ومحد مصدقني
بالنظافة كمان زي كذا ما اقدر اتقرب من القمامة الله يكرمكم حتى اي مناديل مستخدمة مقدر اتقرب منها مرررة عشان ارتاح ما صرت اخرج من البيت عشان ما الاقي مكان مو نظيف
مع انو احب الطلعات والخرجات كثيير بس مقدر اسوي شي
واذا حاربت نفسي وطلعت برة البيت كيف اقول لكم لما ارجع ايش يصير لي
يومين او اكثر ما يكون لي نفس في اي شيء لا احس بخبر مفرح ولا محزن اكبر حزن او ندم يكون عندي انو ليش خرجت من البيت واتوسخت من هناك والا من هنا هذا يكون تفكيري ومحد يكون حاسس ويقولوون لي دلع
بالله هذا دلع وانا ميته قهر وعذاااب ومحرمة نفسي من اشياااء كثيرة
انا عمري دحين 24 ومو متزوجة افكر اذا جاني خطاب ايش اسوي اقولهم عن حالتي والا لا
وانا اذا يقابلوني محد يقدر يقووول انو انا مصاابة بشي الا اذا يقضون معايا اوقات طويلة ثم يحسون
اذا تقدرو تعالجوني عالنت الله يجزاكم الف خير
والا ما عندي ذرة امل من اهلي مصدقين كلام الدكتور وما راح يصدقوني ابد