‏مرت على الخفاق ذكرى غواليه
صارت دموعي من بعدها سكيبه

ليه القمر . غير علينا .. مساريه
ليه اصبحت دنياي موره . وكئيبه

أيام كنا .. بالغلا الوقت . . نحييه
صارت حياتي .. ابلقاها .. رغيبه

من يوم شفته والحشا ذايب ن فيه
مزيون . ووصافه تراها .. عجيبه

احترت بين الناس وش هو اسميه
ماغيره دون الخلق قلبي رضي به

من لهفتي .. لاقفى غصبآ اناديه
ابيها جنبي .. بكل لحظه . قريبه

ادمح له الزلات .. لا بدى مساويه
واغض طرفي . بكل شي ن يعيبه

اموت لامن . . جابو الناس طاريه
والناس ما تدري .. بإنها . الحبيبه

لامن حكى ليته .. ميقطع حكاويه
ولامن ضحك . . يزداد رقه وهيبه

رقة كلامه .. بلسم وهمي يشافيه
ولامنه اقفى . . ريحة العود طيبه

أناظر حبيبي .. واتأمل .. خطاويه
واخاف حبيبي . . لا عيوني تصيبه

ظبي جنوبي . جل من هو مسويه
مخلوق من طينه . . وصبغه غريبه


بقلمي اخوكم .. نجم ضاوي ..

هديه وحصريه من .. نجم ضاوي .. لمنتديات ... مسك الغلا ...