ياعهود جيتش اشتكي ظلم الايام
لعل عندش حل يبري جروحي

والله ياوختي من الهم ما انام
والهم عش عش في تفاصيل روحي

اللي يعذبني ....اشوفه باالاحلام
وان قمت قدامي اشوفه بوضوحي

والله ماهو معتنق دين الاسلام
ولا هو بدنيانا رفيق وسموحي

الهم يذبح كل شخصن بالاوهام
والمشكله لا داخلك مايروحي

ياليت في عقل البشر مثل صمام
ايوقف الافكار لا جت تلوحي

الصبر ياوختي ترا مثل الاعدام
والموت من جور اليالي .. ..طموحي

الهم مثل الغرب طاحت بصدام
وكل العرب من طيحته له تنوحي

ياعهود لو عندي طوابير وزحام
اعيش معهم كني عايش بروحي

الهم لقلوب الرجاجيل هدام
يجي بقوة هايله وبجموحي

اشد من كلمه على لسان نمام
واقسى من الي يجرحك وبمزوحي

مثل الذي في داخله رمح وسهام
او مثل شخصن من بلاده نزوحي

يعيش في كربن وغمن والآام
وكل البشر عن ماحصله تشوحي

كنه فريسه ياكله ناب ضرغام
ينهش بلحمه لين يغدي ذبوحي

ياعهود عذبني زماني من العام
وانا بصلاتي وبدعايه لحوحي

انه يفرج همي اللي بالاهام
كتبت به شعرٍ من اعداد بوحي