06-17-12, 10:37 PM
|
#1 |
| | | | | | | | | | | | | | | | | | | | | | | | | | | | | 
[سوء رياء ]
جرح غائر كُتب هنا بلافلسفه لأنه دامي بمافيه الكفايه
وش هو له نضحك وش هو له ؟؟!
وش هو له نفرح وش هو له ؟؟!
لا والله ! قولو وش هو له ؟
نحيا .. والمنظر من هَولِه:
يوقف قلب ودمعه تجري
لأجل إعدام أطفال الحوله
ياقسوة في هيئة جسد
تدري ليه أنت إسمك أسد؟؟
لأن الحكام اللي ضلّو
حكّام وصارو لاأحد .
لو فيصل باقي موجود
وصدام الشامخ كالطود
وفهد اللي مجده مشهود
تصدق يابشار النعجه؟
لتعيش الذل وتنتهجه
سوريّا لك صارت مسرح
تسرح بالظلم وبه تمرح
ذا يشهد لك بإنك ربّه
وذاك بدم العزه يسبح!
أم تضم أطفال إثنين
وتسأل عن ثالثهم وين ؟؟
ميت ! .. وإلا لسّى حي ؟
مكويّه من بعده كيّ
وطفل منكّس راسه خوف
من طلقات كلاشنكوف
وإن مامات بلطقاته ,
ينحر برماح وبسيوف !
وفي منظر قدام الأهل
تشوف الذل بشيبه كهل
أم عياله مقهوره
تغتصب بأبشع صورة
قدّام عيونه تنهان
وهو أول شاااهد عياان !
وحنّا ندين ونستنكر
وننسى ! .. ونرجع نتذكّر
لكن وش في يدينا ؟
قيد الّذله في يدينا
سوريّا وزيت الزيتون
وحلب وجبلك ياقسيون
ودرعا فيها الشيعه ترعا
والسنّه للقتل تكون !
ياعالم وش حكم الظالم ؟
هو يحكم حكم الإعدام ؟
أو يوصل لإيرانه سالم ؟!!
عام ونص , وحنّا أوص
ماقلنا حرف ولانص
ندعو لإمدادات ودعم
وحنّا في السنّاره طعم
والصيادين الشيعه
والغرب لزوم نطيعه
والقتلا حنّا حنّا
ماكَنا للعز كِنّا
سوريّا ياعين وعين
فقدتي صلاح الدين
حمصك تبكيه وتنعاه
ودرعا صاحت ياحماه
آآآه آآآهن وامعتصماه
بس .. مامن معتصم ,
كل حاكم عن دوي أصواتهم كنّه أصمّ
والشبيحه بإستحقار
ردّو تحيا يابشار
لو ترضى الحكام الذله ,
أدري مايرضى عبدالله
عبدالله بنتك لك تشكي
ماتشكي لأفريقي وتركي
ولاغربي ولا حتى دركي
بنتك سوريّا ياعاهل
وبوقفاتك من هو الجاهل ؟؟ !!
أنته صقر العروبه
وأنت العز لابس ثوبه
وحنّا الدم يغلي فينا , ملّينا الذله ملّينا
وإن ماحررناه الشام
وش هو له نكتب وش هو له ؟
وش هو له نحيا وش هو له ؟
وبشار الظالم عايش
ماحاشه عن ظلمه حايش
وش هو له ؟ بالله وش هو له ؟
حالتنا مو معقوله
إمّا نعيش أبطال أبطال
ونطول اللي ماينطال
وإلا نعيش الذل وهَوله
ونترحّم على الرجوله
سوريا : سوء ممزوج برياء
لين صارت سوء رياء
ومات فينا الكبرياء
والضحايا الأبرياء
أطفال الحوله : وأد لمفهوم الرجوله
|
|
|
|
|