يا بنت ما ينفع لنا حب ..... شخصين
أما لنا والا لذاك ................. الوليدة
ما يجتمع يا بنت بالقلب ....... حبين
نصبح ثلاثة ما تجي ......... بالعقيدة
ان طعتني تسمع من القول ... يا زين
هذا ارضعيه وذاك عطه ..... الحديدة
خوذي رؤس اقلام وبعض . العناوين
لا ترتمي باحضانه واحذر ...... تزيده
ترى رفيقي يوفي بالعهد ...... والدين
مير البلا جلده يسم .......... الخريدة
يحط لك وسمه ان باسك .... بخدين
بوسة رفيقي تجرحك ....... يالفريدة
وانا ادري انه طيب ويطرب ... العين
وايضا عزيز بربعه وباقي .... البديدة
المشكلة خشونته زادته .......... شين
وانتي لطيفة وبالخلايق ....... وديدة
لو شفتني يالترف احلا من ..... التين
واحلا من طعم الفاكهة ..... والثريدة
واحلا من ذوقك للعسل والعسل وين
وايضا خبير في سواة ...... العصيدة
القارظ العنزي