عرض مشاركة واحدة
قديم 10-15-18, 05:54 PM   #4
مرجانة

الصورة الرمزية مرجانة
~ رونق التوليب ~

آخر زيارة »  02-21-24 (11:36 PM)
المكان »  في ثنايا أحرفي
الهوايه »  قراءةُ النثرِ ، و كتابتُه .
اللهُمَّ برَحمَتِكَ .. أعِنّا .
MMS ~

 الأوسمة و جوائز

افتراضي



استغرب كثير من المرأة اللي تتكلم عن خصوصياتها هي و زوجها

في حاجة ممكن اقولها لأمي لأختي
لكن بنات العمات و الخالات و الأقارب الثانية ليه يعرفون وين رحتي انتي و زوجك و وين جيتي و ايش فعلتي؟!

هذي حياتك و حياة زوجك
مو حياتك لوحدك لازم تحفظيها

أنا عندي بنت خالتي الله يحفظها كانت مثلك
تفتح الموضوع من نفسها و تحكي كل شي ، لي و لغيري

و أنا سمعت البعض يتكلم عنها و عن زوجها ..
ما ادري يتكلمون عن غبطة أو حسد لكن يمدحون زوجها و يقولون انها مرتاحة و محظوظة
المهم مع الأيام زوجها قلب عليها

جاتني تشكي
و انا نصحتها ...

شوفي العين حق
و لو اي شي صار بينك و بين زوجك مو زين بعدين

راح يقولون التقصير منك لانهم حكموا من البداية ان زوجك ما منه قاصر بحسب كلامك

او يتناقلون كلامك حتى بحسن نية
و هاتي من كلام الحريم !


الوحدة تحفظ بيتها و زوجها ، تجعل لها خصوصية و استقلال حقيقي
سواء في شي جميل او شي مو زين

و لازم نفرق الشي اللي ممكن نطلعه لخواتنا و أمنا
و الشي اللي لازم نحتفظ فيه .. ( البيوت اسرار )
ما قيلت هذي الجملة عبث

ممكن البعض ينتهز حديثك و يستعمله ضدك


الله يوفقك و يسعدك
و اتمنى لك حياة زوجية سعيدة مطمئنة
ربي يكتب لك كل خير و يبعد عنك كل شر