07-11-12, 01:37 AM
|
#1 |
| | 
مهزله كرويه ( بقلمى )
( تعليق مباراة كرة قدم )
مضطر اقول فـ اذاعه
الماتش دا كله بشاعه
وبدأنا الشوط الأول
والوقت الضائع ساعه
مش عارف مين راح يلعب
ولا حسأل مين ولا حتعب
وانا كل اللى اقدر اقوله
فريقين نازلين الملعب
الحكم بيحسب فاول
على طالب زق مقاول
والناس بالطوب بتحدف
وادى ناس للطوب بتناول
لاعب واقف متسلل
ومعاه لاعب بيهلل
وكمان لاعب مستهبل
متعور مش حيكمل
انا شايف حامل رايه
بيبص كتير فـ مرايه
لو اقول على اسمه ياساده
فـ الحال راح يجرى ورايه
كل الجماهير تتفرج
على لاعب شاط فـ مدرج
بيشوط على واحد صحبه
علشان بيحب يهرج
الشوط الاول عدى
والناس حلفت تتحدى
عاوزين الخصم بتاعهم
تنزله وبيه تتغدى
وبدأنا الشوط التانى
وصفير الناس صحانى
والملعب مافهوش كوره
واستدعوا حكم برانى
لاعب بيشنكل خصمه
مش طايق يسمع اسمه
والحكم بيطرد لاعب
اكمن سيادته مخاصمه
لاعيبه مش ف الفورمه
نازلين بلا حارس مرمى
وفريقنا بقى اى كلام
عامل زى البسطرمه
ادى لاعب عمال يجرى
هربان ومروح بدرى
وسألته وقالى بسرعه
رايح لميعاد ع الكوبرى
انا شايف طوب صوان
نازل من كل مكان
ولعيبه بتشوط عالطاير
ف الطوب وتحطه اجوان
وحكمنا اهو ضارب لخمه
قدام جماهيرنا الضخمه
ولا مره تابع كوره
اكمنه مريض بالتخمه
انا شايف جمهور نازل
والملعب كله مهازل
مش شايف ارض الملعب
والناس حلفت تترازل
حرمت اذيع فـ اذاعه
بعد دا كله كفايه لكاعه
اصل الماتش دا عاوز حرقه
بالكبريت او بالولاعه
ياحبايبى الكوره شطاره
متعه للجار والجاره
اخلاق وسلوك ومهاره
حزم وتدريب واداره
وتملى نقول ونوعى
ولا نافع قول ياخساره |
|
|
|