*
*
__________
يا حزني اللي في حياتي سهرتك
بيني و بينك ليلٍ اغدر سواده
تلحقني العبره وانا ما نطرتك
والهم يرسم عبرتي بالإشاده
ويا فرحي اللي من زمان انتظرتك
غايب و في غيبتك عادة و عادة
سابق خفوقي في ديارك عبرتك
والحزن لبّد في عروقي لباده
يا وجد حالي يا حبيبٍ هجرتك
قلبي عزف فرقاك و اعلن حداده
تدري حبيبي بعد ما انا خسرتك ؟
قمت أتلفت وسط بيت النقاده
ياليت يرجع وقتنا يوم زرتك
يوم العتب اعلن سكوت و هجاده
كلها اماني يالحقيقة صبرتك
مرارتك صعبة وكلّن جهاده
الهجر هيمن ولّا انا ما غدرتك
اعلن حقوقة في خفوقي سياده
من كتاباتي القديمة