يا من يعزيني بالضاوي ....... خسرته
كنت احسب انه مات واثره معي حي
يمكن زعل مني وانا ......... ما قهرته
بس الحسد والعين تلعب به ... شوي
يا ليتني مريت حيه ............ وزرته
وقريته له في سدرة وخلطتها ... مي
الغالي اللي لو غضب ......... ما نهرته
لو اني ادري انه في غضبته ....... ني
ولو انه ينوي قبرتي .......... ما قبرته
افداه انا بالروح حيثه لي ...... اوخي
واليانكسر بالعون جيت ....... وجبرته
عظمه عزيز وجبرته تجبر ....... الحي
عيبه يحب البيض موت ...... وخبرته
الياشافهن يذوب من هذي ....... وذي
يدور من بين الصبايا ............ ودرته
وياما نصحته من هواهن وهو ... عي
وياما لقيته بينهن من ........... سبرته
متى يتوب ويطوي من صفحته طي
ياما رجيته يبتعد ........... واختبرته
واليانصحته رده باقي لنا ....... شوي
اخشى عليه من الهوى لا ...... طمرته
ويصبح خفيف بينهن يطلب ... اثدي
القارظ العنزي