بعض البشر لا قال كلمه سمعناه
وبعض البشر ما نسمعه لو ينادي

وبعض البشر لو غاب لحظه فقدناه
وبعض البشر لو غابت سنين عادي

وبعض البشر لا راح عنّا لحقناه
لو بيننا وبينه ثمانين وادي

وبعض البشر لو ما قعدت انت واياه
ان قلت : وينك ؟ قال : بين الايادي

وبعض البشر في ساعة الفود نلقاه
وبعض البشر لا فادنا ولا استفادي

وبعض البشر لو مات عايش بذكراه
وبعض البشر ذكراه وقت الحدادي

وبعض البشر عقب العزا بيوم ننساه
وبعض البشر نلبس عليه السوادي

وبعض البشر ما تنطق العيبه اشفاه
وبعض البشر العيب امر اعتيادي

وبعض البشر ما يغيّر الوقت مبداه
وبعض البشر مـ يعرف معنى المبادي