*
*
في منتهى الرقّه لها العمر غايه
محبوبتي .. كل العذارى تحتها
هي زينها غطّى جميع الصبايه
من زينها كل الوصايف خذتها
تخطي وتقرب من خفوقي بدرايه
غنج .. و دلع هي الصفات اسمحتها
قالت : حبيبي .. لا تخلّي الوصايه
ثم ادمعت عينٍ في ليل و بكتها
قلت : الوكاد اني شريتك معايه
هي كلمتي وانتي ترى خابرتها
لا تدمعين العين كلّك هوايه
كل الحروف انتي ترى شاعرتها
و ان هز بابك عذلنا يا منايه ؟
خلّي العواذل تنردع شاكلتها !