الفاضله / مشكلتي


وعليكم السلام ورحمة الله وبركاته
مبروك عقبال الفستان الابيض

ليه تتوقعي انه مهملك وع اي اساس اعتقدتي هالشيء
انت مملكه فقط يعني مايجمعكم بيت
لجل تحكمي ع تصرفاته مو اتصالاته ومسجاته

والافضل يبدأ اهتمامك به لمن تسكني معه مو وانتي في بيت اهلك
عمر المكالمات والمسجات ماتثبت اهتمام

لذلك حاولي تتركينه لانك بهذه الطريقه بتخلينه يطفش منك
هو مايكلمك لانك انتي مو مقصره تكلميه
ولايرسلك لانك مانتي مقصره خذتي نصيبه بعد

اتركي له مجال وفرصه يستخدم الاتصال معك والرسايل يعني غيبي عنه شوي
بيفقدك

وقت النوم لو كلمك طار النوم والله السوالف تطير النوم احياناً فكيف
اذا هو تعبان من الدوام ويادوبه بينام ويريح نفسه

الاهتمام والكلام الحلو خبيه لايكمل عليك خليه فترات تكونو مع بعض
احس اهتمامك بينتهي عقب تتزوجيه استخدمتيه كله
وليه الاعتقاد السيء ذا والنظره السلبيه يا يهتم زي ماتبين او تتوقعي انه بيتركك
يا ابيض يا اسود

انا اشوف انك تتركيه في حاله لاحقه عليه
لاتهتمي اهتمي باهلك دامك ساكنه اللحين معهم بتفقديهم ترا
مابقى شيء ع شهر عشره اشبعي منهم استمتعي بوجودك معهم اكثر
اذا سكنتي معه اظهري اهتمامك له وقتها حالياً لا منتي محتاجه تهتمي فيه
اهله عنده

اما بخصوص ابليس اذا جاك وش تسوين انا اقولك
قبل تستغفري وتقولي اية الكرسي
كلميه قولي له تارك امة الله كلهم ومعشعش في راسي اتركني ياه ماني ناقصتك
اشغلتني الله يشغلك

بالتوفيق الله يسعدك ويهنيك ويرضيك في حياتك القادمه
استودعي ايامك الله لاتكدري خاطرك وتستحيبي للوسوسه استمتعي بايامك
اهتمي بنفسك وبصحة بالك لايبين عليك الهم والكدر

تقبلي ردي وعبق وردي مع خالص احترامي لسموك
آسيرة حرف