هجرتني يا بعد ........ روحي
خليتني بس ....... وجروحي
والدمع بالموق .... مسفوحي
اصارع الشوق ........ والعبرة
مهما تودر انا ......... مانساك
عايش حياتي على ... ذكراك
والقلب يا سيدي ...... يبغاك
من عقبكم عيشتي ... حسرة
يا ليتك تجي تشوف .. الحي
اللي غرامه بكم ....... يا خي
تفقد روحه وتضل ..... شوي
ترجع له روحه ...... المندثرة
حبي غريب ما له ..... قياس
في حبكم يا ظريف .. الناس
من فقدتك صابني الوسواس
حب طغى وزايد ........ كفره
بشرني ترجع من ...... قريب
يالغالي يالشوق .... يا حبيب
وتلطف وترحمني ... يا طيب
وترحم حبيب فقد ..... صبره
يا ليتني ما عرفت .... الشوق
ولا عشته مع راقيات . الذوق
وبقيت في عيشتي ... وآروق
ما لي وما له على ....... فكرة
القارظ العنزي