تيتمت روحي عقب داعج. .. الميل
يا لوعة اليتمان عقب ...... الأمومة
ماتت وخلتهم ضعوف .... ومهازيل
وكل القرايب موتوا ...... والعمومة
وانا الضعيف ومثلهم فافد .. الحيل
كني اليتيم وما لقى من ..... يرومه
وين انت ياللي تسمع القاف والقيل
وصل كلامي للغلا وهات .... علومه
قولوا لها ترجع عسى ياقف السيل
دمع جرى بالموق وسالت .. حزومه
قولوا لها القارظ ترى صادق . الليل
تسهر عيونه ما يتهنى ........ بنومه
قولوا لها القارظ جلس .. والمهابيل
ناس تشمت به وناس ........ تلومه
يوم يصحصح نوب ونوب مهيبيل
اما لحقته والا غابت ........ نجومه
قولوا لها ترى الوعد طلعة .. اسهيل
العام القادم نلتقي في ........ تنومة
اما رجعت بعشقتي ... والمحاصيل
والا لعنت الحب والعن ..... رسومه
كان المحبة شعرنا ....... والمواويل
ياما كتبنا بالغزل .......... والنعومة
وكان المحبة الشقى ..... والبهاذيل
ياما شقينا والنفوس ...... محرومة
نصبر على جفا الحبايب .. وما قيل
لين الفرج ياتي وتاتي ..... عزومه
ما تنشف الدمعة بكثر ..... المناديل
الا نشوف اللي نبي ..... ومحشومة

القارظ العنزي