عرض مشاركة واحدة
قديم 02-01-19, 06:06 AM   #1
صعفق طاش كندي

الصورة الرمزية صعفق طاش كندي

آخر زيارة »  يوم أمس (10:34 PM)

 الأوسمة و جوائز

افتراضي التنمر ،،،،،،،،



بِسْم الله الرحمن الرحيم

والصلاة والسلام على رسول الله

طبعا مابي اكتب عن تعريف التنمر وأسبابه وانواعه لان الكل يعرفها

انا أتكلم عن تنمر أشد وأقسى من اللي كنّا نشوفه بالمدارس والحاره

التنمر الالكتروني بالعربي الي يستقعدون للمشاهير ولأي شخص يغلط
لو بتكليجه ..

كم مشهور طلع يبكي بسبب كمية التنمر اللي يتعرضها
لو نبحث عن السبب اغلبهم بيقول ثقيل دم
طيب ثقيل دم قل الله لايبلانا والله يهديه ويصلحه

المشكلة مو هنا

المشكلة بعض المشاهير نفسهم متنمرين
مثل البلاهات اللي نشوفها
والمهاوشات والتعيير بالأصل والفصل

كمية غثيان رهييييبه

كمان المشكلة مو هنا

صاحب اخوي اشتكى واحد هو يعلمني بنفسه
كان يسبه ويقذفه
يوم جابوه تخيلوا سادس ابتدائي

كلنا نعرف الثلاث بنات غناتي ودنى ودانه
ثلاث بنات وش زينهم ماشاء الله عليهم

هو المفروض ان الأب بالذات البنت مايخليها فرجه للعالم
لكن قدر الله وصاروا مشاهير
يطبخون وينظفون البيت ويساعدون امهم
وعايشين حياتهم
تعرضوا لتنمر مو طبيعي
ومن ناس كبار وبعضهم معروفين


تذكرون ذاك اللي يقول وناسه خلصنا الدراسه
هذاك اعدموووه خبلوووه جننوه
ليه لانه ماعجبكم
شفته ماعجبك اتركه .. معادله بسيطه
لكن فيه شي مقرف يقرقع بالنفس والصدر
لازم يتنمر عليه بأي طريقه


ملكة جمال الجزائر
كلنا شفنا كمية التنمر من اعلاميين كبار تجاهها


ماحنا معصومين من الغلط
احيان زله .. اذا وقفت على الزله امرها هين
المشكلة اذا كانت عفن لازم ينشره صاحبه امام الملأ هذي مشكله


البعض يستاهل التنمر
والبعض يجب الدعاء له بالهداية
والبعض غظ الطرف عنه أفضل
والبعض يستحق المشاهدة


الدنيا دواره
الْيَوْمَ تتشمت وتتنمر
بكره الدور عليك

فدعوا الخلق للخالق