بدي آتشكر جميع الآفاضل يلي عطرو موضوعي بمشاركاتن وآضافاتن الرائعه
وقبل ماارد عليهن ,,, حبيت آوضح وجهه نظري وسبب آختياري لهالموضوع حتى تكون نقطه ضو نناقش من خلالو الماضي ( هالحقبه الزمنيه الخالده من حياتنا ) ,,, ولنتعرف ع اسباب الحنين لالو ...

ومش بالضروره آنو نحنا نكون معنيين بهالحاله ( النوستالجيا) ,,, يمكن في آشخاص قراب مننا (يمكن آهل آقارب آو آصدقاء) عم يعانو من هالحنين والآسوء في آشخاص مابيقدرو يطلعو من الماضي ,,, لهيك آقل واجب آنو نحنا نفهمهن ونراعيهن ( وهيدي وجهه نظر كتير شخصيه لالي ) .

برائي الماضي شئنآ آم آبينا ... رسم الخطوط الرئيسيه لشخصياتنا وطباعنا ونحنا بعدنا زغار ... هو الملهم يلي بنينا من خلالو آحلامنا وطموحاتنا ...
ال magic portal يلي آذا ضعنا في الواقع فينا نرجع لآلو ... لحتى ناخد صور ضايعه ليكتمل آلبوم حياتنا ,,, آو نتذكر بعض آجزاء القصص والحكايا المنسيه ,,, آو نسترد شقفه من روحنا يلي آندفنو مع ذكريات الماضي .

وبخصوص تحليلي التالت هيدا ... الآحباء الراحلون
هون قصدت ( كبار العائله ,,, والآقارب) يلي رحلو للآبد عن عالمنا ومسحيل نقدر نلتقي معهن غير في عالم الآحلام وفصول الذكريات ... !!

ومع كل هيدا ... بدي قول اني بشكر الله لآني من الاشخاص يلي عطول بفكر لقدام ،،،وكتير قلال ارجع للماضي ( مع آنو ماضيآ كتر خيرالله كتير positive ومليانه محطات مشعشعه ومفرحه)
بس لما الحنين بيخطفني ع الماضي بآخد منو حاجتي وآرجع بقا لواقعي ،،، ومابخليه يسروق وقتي وعمري من جديد ,,, وعم عيش حاضري بسعاده وقناعه ,,, وعطول عيوني ع المستقبل مليانه خير وتفاؤل !!