طرح فكري جوهري منتهى الروعه
يعطيك الف عافيه السيد الراقي شطرنــج
وبدي هنيك ع آختيارك وع موضوعك الكتير رائع هيدا وآذا بتسمحلي بلآول بدي آدون تحليلي للصوره الواقعيه الرهيبه !! ... وبعتقد من خلالو بقدر جاوب ع جزء من سؤالك العميق .
السجين الحقيقي في الصوره هو الحارس ,,, يلي نوعيه شغلو عم يخليه مسكر العقل ومسلوب الآراده ,,, وكآنو مجرد روبوت محطوط قدام باب الزنزانه ومهمتو بس مراقبه تحركات السجناء وتطبيق الاوامر يلي بيصدروه رؤساؤه .
آما الطليق الحقيقي هو السجين ,,, يلي رغم حبسو جوات 4 حيطان ,,,
وبلاعتماد ع آنفتاح عقلو ومخيلتو الواسعه وع ثقافتو ,,, قدر يشيل الحواجز يلي بيقيدو (ولو معنويآ)... ويعمول لحالو دنيا خاص وعالم ساحر فيه ,,,
عالم المعرفه والنور يلي موجود فيعقل وقلب وروح البشر ,,, وكل جدران الكون مبيقدر بقا يحبس هلعالم عن صاحبو ,,, عالم بيقدر من خلالو يسافر ويسبح في ملكوت السموات والآرض
عالم الآمل والتفاؤل يلي عم يصبروه على آحتمال مراره السجن ,,, لحتى بالنهايه يحصل ع حريتو المطلقه !
وبرائي في 3 مصادر نـــور بالزنزانه ... مصدر الضوء الكلاسيكي (المصباح)
مصدر الضوء الحياتي (الكتاب) ,,, ومصدر الضوء الجوهري والآصلي (عقل البشر)
وللجواب عن سؤالك ... هل نستطيع التحكم بالعقل مما يؤدي الى التحكم بالحياة الشخصية؟
لهيك بقناعه تامه رح قول ...نعم نستطيع آن نتحكم في عقولنا وبالتالي في قراراتنا وحياتنا الشخصيه
بس آهم شي بدنا ننتبه لآفكارنا ,,, لآنو الآفكار هني مصدر كلشي وبيتحول لآقوال ,,,
والآقوال بيتحولو لآفعال وتصرفات ,,, وآكيد هيدول بيحدوو شخصياتنا وطباعنا
لهيك برائي آذا بدك تسجن شخصيه الفرد (متل الحارس) ويطلع متل الروبوت والعبيد ,,, ضروري تبلش ب(آغلاق عقلو وسجن فكرو )وبلآخير تقليص حجمو وآطفاء شخصيتو
بوقت آذا بدك تحرر شخصيه الفرد (متل السجين) ,,, ضروري بقا تحرر فكرو وتفتح عقلو ,,, وبالتالي نحصل ع آفراد آحرار منفتحي الآفاق والفكر ومتسعي العقل ,,, وبيقدرو يتحكمو في قراراتن وحياتن ...( وآزيد من هيك) بيقدرو ينورو دروب عائله وآصدقاء ومجتمع ... ويحلو محل المصباح والكتاب .
,,,,, مع جزيل شكري وتقديري لشخصكم النبيل
