ظنك بخاف إن قلت عني بتبعد
والا بترك الدنيا لجل عينك و اجيك
لا والله إلا إبعد بعيد وجعلك ما ترد
ماني على شوفتك ميت ولاني مرتجيك
ماني بحاجة قرب اللي خذلني و جحد
سلام يا شعرٍ من إحساس إنكتب فيك
لا تحسب خطى الفرقا و تبلل الخد
الدمع ما يصلح ما كسرته بيديك
وبليلة البرد لا ترجعك ذكراي و ترتعد
جمر إنتطارك دسته ساهي برجليك
عمر عقيم الدمع ... ما ينجب ولد
لذا لا تدور فيني دمعتي الله يخليك
يا حسافه بعت ناسٍ لجلك يا وعــد
و تبيعني بارخص ثمن لجل مغليك
صدمتني لكن اخترت أترك هالبلد
عشان أنسى زمانك و حبك و طاريك
على شاطي الفرقا صورة من جحد
يا بحر خذ وجه الفرح جيتك أواسيك
أنا الشاعر اللي سكر بشعره و فقد
يا نشوة الحرف اختلط مرك بحاليك
على مسرح من الأحزان صمتي شرد
وأخذت أجمع أجزائي الضايعة فيك