محتاج ضمة صدر مابين جنحانك
اليوم من داخلي مزون الألم هليتها
مشتاق لو حال بيني سورك وبيبانك
عشرتك ما هانت بعيني ولا خليتها
يا قصيدٍ جال بحرك حرك أشجانك
تموج الذكرى بعيني وما تحريتها
الكلمة اللي تموت ما ينطقها لسانك
يا ليت قبل ما تجاملني علي بديتها
ساعة تصفق يدينك وتتغير ألوانك
و أحس إنك لحون ما بعد غنيتها
والعطر و الورد و مسكك و ريحانك
أشمها بثياب العيد اللي أهديتها
الوقت علمني إنه صعب نسيانك
و الليل ساعاته تروح ما عديتها
والغيم يشبه غموض عايش وزانك
والريح هبت و ذكراك ما تناسيتها