اهلا وسهلا ويامساء الانوار
وإن شاء الله تندمج معنا وتفيد وتستفيد

بالنسبة لمنتدانا بيعجبك إن شاء الله منتدى أعضاءه وجميع مسؤوليه قمه بالاخلاق
يعني بالمختصر المفيد منتدى نخبة القوم والمنتدى رايق وهاديء وجميل جدا وكل الاقسام موجوده

لاتقول مايمدح العروس الا امها انا اقول لك الحقيقه اللي تريحك .

وانت عاد لاتكون خامل وكسول والا تدور مشاكل والا تخربط بلرسايل والا والا خلك مضبوط
وامورك بتزين كلها ويمكن تترقى وتصير (مساعد المدير ) من يدري ؟

والله أول ماشفت اسمك قريته بالغلط

وطرى على بالي سالفة فرج واخوياه الحرامية
احسب اسمك ملامح فرج قلت وش جاب فرج هنيا هههه وبعد يدور غراضه بيننا هههه

هذا فرج سلمك الله حرامي محترف ومكون له نشالين وعصابة لصوص
ودايم اهل الحي اذا سافر أي واحد منهم يرجع يحصل بيته مسروق من مجاميعه
يروحون للشرطه واذا جات ماتحصل اي اثر أو بصمات أو اي دليل للسارق
وفرج شغال على هالحال من فتره وفتره يطب باحترافيه ويسرق هو ويا ربعه
ولا أنصادوا أبد . طبعا فرج هذا ساكن بالحي ويعرف سوالفهم ويعرف مين اللي بيسافر
ويخطط يعني ماحد يشك فيه مره

وفي يوم من الأيام إنسرق بيت واحد من أهل الحي وقرر هذا الرجال انه يروح لشيخ القبيله
ويعلمه ان هذا الشي ماينسكت عليه وانه لازم يسوي إجتماع يدعو فيه جميع المشايخ اللي حواليهم للنظر والتحقق والتحري عن هذا السارق فقد يكون من هذه الاحياء او القرى المجاورة . المهم فعلا الشيخ طلب اجتماع طاريء مع بقية المشايخ والأعيان لإطلاعهم على الموضوع وبعد مرور شهر تقريبا على هذا الاجتماع قام شيخ القبيله بدعوة ربعه الى منزله
لاخبارهم بما جرى في اجتماعه مع مشائخ القبائل الأخرى . طبعا فرج حضر معاهم

عاد كل مادخل مجموعه من ربعه يسألونه ها ياشيخ وش سويت ووش صار في إجتماعكم مع المشائخ ويرد عليهم الشيخ بكلمة ( فرج الله قريب ) يقصد انه بذل مجهود هو وبقية المشائخ والان بعد مرور شهر لم يظهر لهم أي شيء عن السارق

وكل مادخل مجموعه واستفسروا قال لهم ( فرج الله قريب إن شاءالله )

صاحبنا فرج الله انطبق عليه قول المثل > ( كاد المريب يقول خذوني )

سكت . صبر . اوهم نفسه ان ماحد يمه . مااافي فايده إعتقد أن المشائخ توصلوا لمعرفته
وأن أمره إنكشف بعد ان كرر الشيخ عدت مرات ( فرج الله قريب )

فصاح باعلى صوته هو بس فرج اللي حرامي
انا مو لحالي اللي سرقت معاي سعدالله وخير الله ورزق الله
فأندهش الجميع من فراسة الشيوخ ومن معرفة السارق اللذي لم يكونوا يشكون فيه قط
ههههه

اطراه اسمك وملامحه ههه

حياك الله وان شاء الله يعجبك منتدانا