هي سحبتني للهوى .. وقلت : لبيه
امرك على امرك آمري ..... يالقيادة
امرك واطيعك دون مانشدك انا ليه
طاعتك واجب من وجوب العبادة
حضي هو اللي جابكم لي .. يا هيه
سلمت لك روحي وباقي .. السيادة
فصل وانا البس يا بعد كل ... غاليه
دام انك مصدر الهناء .... والسعادة
سبحان من صور جمالك .. وما فيه
يا صورة ما شفتها بكل ....... غادة
اول ما شفتك حالتي صابها ... تيه
صدمت جمالك سببت لي .... بلادة
ولولا حنانك عقلنا مين ....... يحيه
نبقى على ما قيل عيشة ..... نكادة
القارظ العنزي