السلام عليكم
انا مشكلتي مع زوجي انه بارد عاطفيا مع اني ادري انه يحبني والله احيانا اسميه قطعة الثلج جاف عاطفيا مايعبر لي عن حبه لي او شوقه لي يعني ممكن يطلع من الصبح ويتاخر لليل ويتصل مرة وحدة بس ويجي البيت بالليل وعادي عنده سواء جلست جمبه او نزلت من عنده ما يقول لي تعالي حبيبتي مشتاق لك اجلسي جمبي وكذا احس احيانا وجودي جمبة من عدمه واحد مع اني حاولت معاه كثير انا متزوحة الحين من 8 سنوات ونفس الشي وانا رومنسية ومحتاجة يقول لي كلام حلو يحضني وكذا بس هو ما يعرف هالحركات حاولت كثير اعوده بس في احيان كثير احس اني اتنازل من غير فايدة هو انسان طيب بس مشكلته جاف عاطفيا مايعرف يتكلم لما اجلس اتكلم معاه يقول لي انتي كذا تضغطين علي وانا اصلا قليل الكلام وانا كذا وما راح اصير مثل ما تبين ولا راح اتغير لا تحاولين معاي ولازم نحترم اختلافاتنا بصراحة تعب من جفافه العاطفي وكمان اغلب الاوقات ما نجلس مع بعض حاولت اني اعوده علي واجلس معاه بس هو كل شي عادي عنده جلست جمبه عادي واذا رحت من عنده عادي بعد عندي منه ٣ اطفال ولد وبنتين لما اجلس معاه يا انه يكلمني عن برنامج تلفزيوني او يسالني عن العيال كيف كان يومهم . على فكرة ترى احنا عايشين ب بيت اهلي بدل ما ياجروه عطوه لنا وهم يجون بالايجازات ويرجعون اهلي عايشين بالسعودية وانا باثيوبيا اديس ابابا وكل مصاريف ملابسي وملابس عيالي اهلي يجبونه لي هو بس عليه مصاريف الاكل والشرب ومصاريف المدرسة من دفاتر وشنط الاولاد وكمان يدفع قسط مدرستهم .. والله محتارة مدري كيف اتصرف لما اتقرب منه احس اني انزل من نفسي ومن كرامتي لاني حاولت معاه كثير ولا حياة لمن تنادي ولما اهمله مايهمة عادي جدا عنده ياريت تفيدوني كيف اتصرف معاه ولا عمره قال لي حبيبتي خلال زواجنا ال 8 سنوات انا اللي دايما ابادر . انا اللي ارسل مسجات الحب وهو يرد وذا ما رسلت عادي جدا عنده يكمل شغله ويجي ولما اروح من عنده ما يطلب مني اني اجلس معاه ما يقول لي اشتقت لك اجلسي جمبي يعني ممكن يجي يوم كامل ما يشوفني فيه غير 5 دقايق او اقل وعادي عنده هل هذا الوضع الطبيعي لاني اللي اعرفه ان الزوج الطبيعي يشتاق لزوجتة يطلب منها تجلس عنده وانا مليت من حياتي معاه لانها روتييين تعبت تعبت منه ياريت تفيدوني... بس للامانة هو يجيب لي متطلباتي كلها اذا قلتها له...