اختي الكريمه صاحبه السؤال
ربي يخليلك السيد جوزك ويديم عليكن التفاهم والسعاده , ويرزقكن صبيان وبنات يلمو عليكن البيت .

عزيزتي انتي سالتي وأنا رح بجاوبك بكل صراحه ,,, عشقك لجوزك هلأ صار (أدمان) واذا بتستمري ع هالحاله رح تتعبي وتهلكي لأنك رح تدخلي مرحله (الهوس) وهيدا الشي أخطر أحساس ب اي علاقه ورح يخنقكن يوم ورا يوم .

حاولي تخففي ولعك وأدمانك فيه وعمولي كونترول ع مشاعرك ,,, ومبقا تخليه يكون محور حياتك الوحيد , وكأنك مجرد ظل تتبعو لوين مابيروح وبكل وقت وبكل مطرح ,,, انتي هيك ومندون ماتحسي رح تقيديه ,,, ويجي يوم يزهق ويختنق وبدو مساحه ليتنفس

اقنعي قلبك وعقلك وروحك الولهانين فيه ,,, انكن شخصين مش شخص واحد ,,, وكلحدا منكن ضروري يكون الو هوايات واهتمامات خاصه ومساحه حريه بعيد عن ال2 لحتى يعبر عن حالو ويحس بكيانو ... لهيك برائي نقي هوايه محببه لقلبك وانشغلي فيه .

كوني متوازنه , حتا لو كان حبيبك أنسان رائع وبيموت فيكي ,,, مابيصير تجمعي كل مشاعر الحب , الحنان , الشوق ,الاحتواء والأهتمام وتوزعيه عليه وحدو وتغرقيهن فيه , وبذات الوقت تحرمي أهلك وأخواتك وصديقاتك ,وبهيدي الحاله بتصور أنسب شي أنك تنجبي من ميله بتزيدي الرابط بيناتكن , ومن ميله 2 لحتى نقلي جزء من هالعاطفه الجياشه لطفلك

وأهم نقطه خلي أيمانك قوي ,,, وسلمي أمركن ومصيركن لرب العالمين يلي هوي أحسن الحافظين ومابقا تتعتلي اي هم بعد
وموفقه وسعيده عزيزتي .