مع تنآهيد الصباح وزفرة صْدور الجروح
............... أرتشف كوب الضياع وسُكره ونّة جريح

أبني الآمال فيني و تنهدم فيني صروح
...............أجمع شْتآتي و ألاقي كل ما فيني يطيح

ضاقت أنفاسي وضاقت كل ساحات الطموح
................إلتحفني همّ عآصي لا يحنّ ولا يبيح

دثّرتني دمعتين .. وبينها شهقآت ( روح )
............حاصرتني زفرتينٍ تزدحم لا جيت اصيح

إستحلّت في حيآتي آهةٍ عيّت تروح
............إستجارت من شفاتي بسمة الثغر المليح

كل ما غيّبت حزني زآرني ذآك اللّحوح
...........وكل ما نآديت فرحي غآبني ذاك الشحيح

إنطفى مصبآح وقتي وإختفى بعده وضوح
..........ما قدرت ألمح طريقي واعرف الحل الصحيح

ضآيعه خطوآت عمري شآرده كلمآت بوح
..........مستبيح الجرح فيني تآركٍ حآلي طريح

كل ما غمّضت عيني قآمت هْجوسي تلوح
...........لين صآح الديك وأصبح كل من أغفى مريح

وآنا من زود التجآفي / والمعآند / والجروح
...........والدموع الساكنه في وسط عينيني .. تطيح

صرت انادي امنياتي : ( يا امنياتي بسّ نوح
............لا ترجّيني دخيلك والألم وآضح صريح )

آآه من تغريب وقتٍ بالقهر مُعلن صدوح
...............قآم يلعب بإقتدآري لين صآر الجُهد ميح

خآر عزمي وإبتلائي ما يفكّر في النزوح
.................وإمتلا جوفي سكونٍ ممتنع إنّه يبيح

يا عذآب الوقت قلّي هو بعد صبري يروح
.......جرح غآير في وريدي حالف إنّي م استريح ..؟