عرض مشاركة واحدة
قديم 07-20-19, 04:12 AM   #1
الوله

الصورة الرمزية الوله

آخر زيارة »  اليوم (02:08 AM)

 الأوسمة و جوائز

افتراضي آآه يا يمه وطفلك مآ جهل ..









حتى لو عمري بلغ حد الكهل !
في عيون أمي صغير !


آآه يا يمه وطفلك مآ جهل ..
كيف حُبك له كبير ..


طفلك يشوفك حيآته و الأهل ..
وبين أحضآنك يطير ..


ممتلي بـ المعرفه حتى الجهل !
وممتلي حزن الضمير !


من وعى مآ مرته كلمة سهل ..
في دروبه و المسير ..


لو تسآرع خطوته أو بـ المهل ..
مآ فرقت والله كثير ..


هو صحيح ان الحزن منه نهل ..
والحزن صآير عشير ..


منتظر غيم الأماني له تهل ..
و الأماني به تحير ..


ما لغير الله تضرع و ابتهل ..
لو يصير اللي يصير ..


كل مآ يصحى صبآحه يستهل ..
( الله يكتب كل خير )


وكل مآ يسمع أمل بـ أذنه صهل ..
ينرسم حلم(ن) كبير ..


ولو هو طيفك مر قلبه يسفهل ..
لو هو الواقع مرير ..


هو كذا طفلك بلغ حد الكهل !!
حتى لو عمره صغير !!



لـ الـولـه .