وعليكم السلام والرحمه
الله يديم عليكم بالراحه
والمحبه والطمأنينه والعيشه الهنيه ..
بالنسبه لموضوعك الخلافات شي طبيعي
وخصوصاً أول الزواج
يعني لاتاخذ كلامها قبل الزواج وتقارنه بأفعالها بعد الزواج لأن الكلام يبقى كلام والواقع شي ثاني
وبالنسبه للسفر إلى أهلها وبحكم بُعد المسافه
انت وهي قرروا وقت محدد تسافر فيه لأهلها
مثلاً كل شهرين تجلس عند اهلها أسبوع
لحد ماتعتاد هي ع السكن بعيد عن أهلها
وأهلك فيهم الخير ان شاء الله
بس لاتنسى انهم اهلك مو أهلها
فشي طبيعي بيكون عندها تحفظ ورسميه
لحد ماتعرف شخصياتهم
وأخيراً مدري اتضح لي من كلامك عن تذمرها
وانك تقول انك مطنشها
انك ماتحسم الأمور
او تتجاوب معها لاتذمرت
اغلب المشاكل ماتنتهي لهذي السببين
التطنيش وانك تعطي امل يعني تسلك لها
وماتحسم الأمور
وانها لازم تتذمر وتكرهك عيشتك
بعدها توافق انت ع الي تبيه
لانها بتعتاد ان هذي طريقتك في تنفيذ طلباتها
أنا ما أقول خلك شديد معها بكل الأمور بالعكس
بس بيّن موقفك تجاه الموضوع بصراحه وجديه
وبالنهايه مثل ماانت قلت هي مو مقصره معك بشي
يعني الحب والاحترام موجود
والمشاكل بداية الزواج طبيعيه
صارحها وهي تصارحك
وحدد لها وقت باتفاق بينك وبينها
على وقت وكم تقعد عند اهلها
باستثناء بعض الظروف الخارجه عن الاراده ..
وارتاح
دمتم بخير