بما انه الحين شهر رمضان الكريم ومعه وقت الصيف واعلى درجات الحرارة
قررت اني اسدح لكم وصفة الايسكريم اللي انا احبه 
وقلت لازم تج ــربونه معي لانه فعلآ لزيز 
طيب اول شي نشوف المكونات :~
وهي خليط كيك بتي كروكر بالتشوكلت
قشطة & دريم ويب 4 بكتات & ظرف كريم كرميل & فانلآ تبع الايس كريم &
3 ملاعق حليب بودرة
طبعآ نجي اول شي نسوي الكيك الجاهز مثل ماهو بالشرح
وبعد مايجهز نخله يبرد وبعدها اخذ هالكيك افركه كله يعني اطحنه بايدي
واقسمه نصين بالتمام واغطيه
بعدها نجي لخلطة الايسكريم الاساسيه
مراااا سهلة
اجيب الدريم ويب كل العبوات وافرغ محتوها بالخلاط
طبعآ نفس الشرح المكتوب عليه يعني مقدار الحليب والماء البارد
وبعده اجيب الكريم كرميل والفنيليا والقشطة
وكلهم ينخفقو مع بعض الين مايتجانس الخليط ,,
بعدها نجي لطريقة وضع الطبقات يبيلها صبر شوي
عشان يتماسك الايسكريم
اجيب اي صينيه مقاسها وسط ويفضل الزجاج
اضع نصف محتوى الكيك المفروك واكبس عليه بالضغط مع مراعاة
ان الطبقه الاوله تكون بنفس السمك يعني
ماخلي مكان عالي ومكان واطي
واجيب خليط الايسكريم اللي جهزته
واحط نصفه فوق طبقة الكيك
واحطه بالفريزر لمدة ساعتين ع الاقل
وشي اساسي لازم يكون مثلج عشان اقدر اسوي الطبقه الثانيه من الكيك وتكون بنفس الطريقه اني احطه فوق طبقة الايسكريم المثلج واكبسه بالضغط المتوسط اهم شي ان هالطبقة تتجانس ولا تعدمو طبقة الايسكريم وبعد مانتهي من وضع الكيك اجيب باقي خليط الايسكريم واسدحها فوق طبقت الكيك بكذا يسير عندنا 4 طبقات في البعض يحب يرش ع الوجه كاكاو بودرة بيكون حلوو ولوتبون اوب مشكله هي حريه شخصيه 
واخليه بالفريزر الين مايتماسك ويبرد
وهيك بتكون النتيجه :~ :اسيل:
7
وهوون بعد ماقطعتها ومن زود الحر ساحت والله وانا اصورها 
7
وبالعافيه ع قلوبكم ولاتقوطر سعابيلكم 
ع فكرة ذا اول موضوع لي بالكتشن برمضان انا اسويه
يارب يعجبكم
/ ودي 