قاتل الله العنصرية جد وانا واحد عانيت منها

هذه المواقف عشتها شخصيا

الموقف الاول
هوشة باحد المقاهي بين شابين المتخلف الاول يقولة حنا 220 وانتم 110 تحس انهم اسلاك كهرباء تتهاوش حتى الاعراق حطوها لها ارقام تدخلت وقلت لهم حصل خير منظركم مو حلو قدام الناس مافي فرق كلنا عيال ديرة وحده بدوي والا حضري 110 والا 220
الموقف الثاني
في السفارة اليمنية بالرياض عندي معاملة هناك انا وزميل يمني لي رحت معاه
ولقيت واحد جو السفارة يصارح بصوت عالي الله يقلع الدحابشة دمروا البلد سالت
زميلي وشو يقصد بالدحابشة قالي في حساسية بين اليمن الجنوبي واليمن الشمالي
رغم انهم بلد وحده مو طايقين بعض صراحة انصدمت من الموقف

الموقف الثالث
وحدة مريضة قدام عيني بسوق الالعاب ولدها قام يسولف ويضحك مع العامل هندي
بكل ادب واحترام عامل الطفل جت المتخلفة انت هيه وش قلت للود لا تلعب معاه ولا تكلمه
بغيت اتدخل لكن قلت شكلها مريضة نفسيا وعنصرية البعد غنيمه ما راح استفيد شي وراضيت العامل بكلمه طيبة

اعتذر على الاطالة سؤالي هنا هل البيت والاسرة لهم دور بعنصريتنا وليه صرنا 110 و 220
واللي شايف نفسه من طبقه مخملية 220 لو تقدم لاختك واحد 110 وش بتسوي بدون ما تدعي المثالية اطرح هالموضوع بينكم لاستمتع بارائكم وان حصل تذكرون مواقف ما يمنع