لا تنشدين القلب يا بنت وش فيه
لا تنشدين القلب ....... لا تنشدينه
قلب الشقاء يا بنت قلت. . عزاويه
وقل الصديق اللي يصافح . يمينه
عقب التواصل والغلا .. والمشاريه
خابت ظنوني يا عرب .. بالخدينة
لا والله الا ضاق صدري .... بغاليه
ولا عدت اميز بالظروف ... اللعينة
من اول بس اسمع اسمه . وطاريه
تنزل عليه راحتي ....... والسكينة
كني جضيع مهتني .... بين اياديه
هذي تقلبني وهذي ........... تعينه
واليوم الحالة ما هي الحال يا هيه
قولوا وش اللي صار ... يا عارفينه
امشي والا اصبر وانتظر قول لبيه
ان كانها لبت طلبنا .......... بحينه
ثم دونت في خطها حاضر .. وايه
والقارظ والله يا عرب ... مشترينه
والله لاقصر قلبنا عن .... مشاحيه
وارجع واصابر وانتظر .... زايرينه
القارظ العنزي