-
-
لي طرّف الليل يتعبني حنين الفؤاد
لي عدة شهور والحس الحزين الحزين
كيف السعادة وما بنتي وبانت سعاد
كيف أتبسّم بوجه أشباهك الأربعين !
فيني من اللاوعي وفيني من الاضطهاد
وفيني شعور اليتيم ورحمة الوالدين
وفيني شعور الغريب اللي فقد له بلاد
من شدة الفقد شاف إن دنيته لحظتين
مدري خذاك الكبر والا خذاني العناد
إلى متى ننظر الدمعات في نص عين
أنا من الفقد دون شعور يعني جماد
وإنتي من الفقد جرح و كافلته السنين
مدّي يدينك دقيقة و إبسطيها مهاد
ويروح كل الحزن دام المهاد اليدين
من بيض نياتنا ما نعترف بالسواد
إلا مع الليل ومع همساتنا تذكرين ؟
لا قلت أحبك قلت تحبني شلون عاد !
قلت إنظري الكون بنعيشه بلا أكسجين
مع كل نسمة أحبك يااااه نفحة براد
ما باقي الا السما تمطر علينا حنين
-
وسلامتكم