احيان اهني صاحب المال بالمـال
واحيان اهني صاحب الفقر فقـره
واحيان اكشخ والبس شماغ وعقال
واحيان اسير ولا على الراس غتره
فيا ابن ادم المهموم يا طيب الفال
خذ لك من ايامك وانا خوك عبـره
لان اختلاف الحال من حال لي حال
يعطيك فالدنيا مع النـاس خبـره
كم عاش فالدنيـا فقيـر مـن المال
ما فاد غير ونعـم حتـى بقبـره
وكم ولد لاش عاش في بارد ضلال
ما فاد شي ومات زولـه وذكـره
والوقت نفسه مـا تغيـر ولا زال
يوم وسنه والشهر هو نفس شهره
بس البلاء بنفوسنا صابهـا هبـال
نركض بهالدنيا على غيـر دبـره
بعنا الصبر من شان تحقيق الامال
واثر الامل مربوط في طول صبره
ومجملات الهرج قلنا وذا قـال
في رجل ما يسوى لتعظيـم قـدره
ما كل منهو يلبس البشت رجـال
يبرك ويشتـال الثقيلـه بظهـره
فيا هيه ياللي غرك الوقت تختـال
(كلن يعيش بحسب رايـه وفكـره)
كتبتها من طيب مدري من هبـال
وقفلتها يوم يدي تعبت من الكتابه