مرات الواحد مابيعرف انه موهوب بمجال معين
لانه ما سبق و خاض فيه
هلئ انا السؤال حسب ما فهمت !!
بتخيل لو في حصص يتم استئصالها من المنهاج الدراسي متل حصص التربية وطنية و التاريخ و الجغرافيا .. و علوم الارض ..
ويحطوا مكانهم حصص تصليح سيارات للذكور و الاناث ( لانه الانثى الافضل تعرف تصلح السيارة فيما لو عطلت فيها بالطريق )
وحصص نجارة و حدادة و تصليح ادوات كهربا .. صيانة جوال و حاسب.. و طبخ .. و ايضا حصص ادب و موسيقا
من هون ليخلص مدرسة بيكون فعلا انسان فهمان و الو قيمة ,, بيعرف يركب خزانه و يصلح ثلاجة .. وممكن يعرف يبني غرفة .. ويغني و يكتب خاطرة
وبيكون الفرد مر ع كتير مجالات بحياته و عرف بالضبط شو بدو و شو بيحب .. ووين موهبته ,,
لما بيعرف وين موهبته فـ نعم من الافضل فصلها عن التعليم حتى يتفرغلها تماما .. و الموهبة بتجيب مصاري اكتر من التعليم لانه عم يمارسها عن رغبة
وحتى لو ماجابت مارح يكون مزعوج .. شفت برنامج الشباب يلي بينفضوا السيارات القديمة نفض ؟
شفت برنامج الشباب يلي بيخيطوا ..و بطبخو .. و ... الخ .. كلها برامج اجنبية و كلهم ادنا او اصغر .. وكلهم موهوبين..
موضوع جميل جدا وواسع
لو تم تطبيقه بتوقع رح نندهش من كمية الابداع الموجودة ببلادنا ..
شكرا لهل الموضوع و لمساحة النقاش اخي الراقي جدا ~ شطرنج ..
تحياتي